Botë

Arabia Saudite pezullon hyrjet në Mekë dhe Medinë për shkak të koronavirusit

Arabia Saudite pezullon hyrjet në Mekë dhe Medinë për shkak të koronavirusit

Arabia Saudite ka pezulluar përkohësisht hyrjet për pelegrinazhin Umrah në qytetet e shenjta të Mekës dhe Medinës, për shkak të frikës së përhapjes së koronavirusit. Autoritetet saudite u pezulluan hyrjen në vend edhe turistëve që vijnë nga vende me koronavirus.

Ministria e Punëve të Jashtme tha se masat po merren për të mbrojtur qytetarët dhe turistët. Arabia Saudite nuk ka raportuar asnjë rast me koronavirus, megjithëse Kuvajti fqinj ka thënë se një shtetas saudit, 61 vjeç, ka dalë pozitiv.