Qeveria kineze e pranon se ka reaguar dobët ndaj koronavirusit

Autoritetet kineze e kanë pranuar se kanë pasur mangësi në kuadër të reagimit ndaj përhapjes vdekjeprurëse të koronavirusit. Pranimi i rrallë erdhi nga Komiteti i Përhershëm i Byrosë Politike, i cili bëri thirrje për përmirësim të sistemit të menaxhimit të urgjencës në Kinë.

Ky komitet gjithashtu urdhëroi që të ashpërsohet lufta ndaj tregjeve të paligjshme të mishit, aty ku mendohet se virusi është shfaqur. Numri i vdekjeve është rritur në 425, me më shumë se 20,000 raste të konfirmuara, transmeton KTV.