Tërmet i fuqishëm 7.7 ballësh në Detin e Karaibeve, paralajmërohen cunami

Tërmet i fuqishëm 7.7 ballësh në Detin e Karaibeve, paralajmërohen cunami

28 January 2020 21:14

Një tërmet i fuqishëm i magnitudës 7.7 ka goditur jugun e Kubës të martën, duke nxitur paralajmërim për cunami në Kubë, Xhamajkë dhe në Ishujt Kajmanë, ka thënë organizata amerikane për Gjeologji (USGS) dhe Qendra Ndërkombëtare për Informacione për Cunami.

Dridhja nuk u ndie shumë në kryeqytetin e Kubës, Havana apo në Kingston, Xhamajka, sipas një dëshmitari të Reutersit.

E menjëherë erdhi një paralajmërim për valë të cunamit që mund të shkojnë deri në 1 metër. Paralajmërimi u lëshua të martën për brigjet e Meksikës, Belizesë, Kubës, Hondurasit, Xhamajkas dhe Ishujve Kajmanë pas tërmetit të fuqishëm në Detin e Karaibeve, ka thënë Qendra Ndërkombëtare për Informata për Cunamit, raporton Reutersi.

“Valë të rrezikshme të cunamit parashihen në disa brigje”, thuhet aty. “Valët e cunamit deri në 1 metër mbi nivelin e detit janë të mundshme për brigjet e Belizesë... Kubës... Hondurasit... Meksikës... Ishujve Kajmanë... dhe Xhamajkës”.

© KOHA. Të gjitha të drejtat janë të rezervuara.

Komentet

Shto koment

Të ngjashme