Botë

Si po vazhdon të krijojë të ardhura Shteti Islamik?

Ndërsa po zvogëlohen burimet e të ardhurave të Shtetit Islamik me humbje të territoreve në Siri dhe Irak, prokurorët irakianë thonë se grupi ka filluar të shesë me shpejtësi çfarëdolloj mallrash që mundet.

Në një raport të fundit të Këshillit të Lartë Juridik të Irakut përmblidhen konkluzione të nxjerra nga marrjet në pyetje të anëtarëve të kapur të ISIS-it, që tregojnë se si po futen në tregun irakian produkte nga shitja e të cilave shpresohet të financohet vazhdimësia e operacioneve ushtarake.