Erdogan shprehet i gatshëm për blerjen e raketave Patriot pa hequr dorë nga S-400 ruse

Erdogan shprehet i gatshëm për blerjen e raketave Patriot pa hequr dorë nga S-400 ruse

15 November 2019 09:17

Ankara, 15 nëntor – Presidenti turk, Recep Tayyip Erdogan konfirmoi se vendi i tij ishte i gatshëm për të blerë raketa amerikane Patriot, por pa hequr dorë nga raketat ruse S-400, blerja e të cilave ka tendosur marrëdhëniet me Uashingtonin.

Erdogani i bëri këto deklarata, të shfaqura në median turke, në bordin e avionit që po e kthente në Turqi, pas një takimi në Uashington me homologun amerikan, Donald Trump.

“I kam bërë të ditur predentit amerikan, Trump se ne jemi të gatshëm për të blerë Patriot. Por, ne konsiderojmë se propozimi që konsiston për t’i blerë ato dhe për të braktisur S-400 do të ishte një cënim i sovranitetit tonë”, theksoi Erdogan.

Ankaraja ka blerë një sistem mbrojtës antiajror rus pavarësisht protestave të Uashingtonit, që thekson se S-400 nuk janë në përputhje me dispozitat e NATO-s, ku Turqia është anëtare.

SHBA-ja konfirmoi përveç të tjerave se blerja e këtij sistemi nga Ankaraja, livrimi i të cilës ka filluar në korrik, vë në rrezik sekretet teknologjike të F-35, një avion luftarak amerikan/AFP.

Komentet

Shto koment

Të ngjashme