Gjendje e jashtëzakonshme është shpallur në Los Anxhelos dhe Sonoma nga zjarret

26 October 2019 19:30

Miliona banorë në Kaliforni po përballen me ndërprerjen e energjisë elektrike.

Ndërsa, zjarrfikësit vazhdojnë të luftojnë me zjarret që po vazhdojnë të rriten në këtë shtet amerikan, transmeton KTV raportimet e Reutersit.

Kompania Pacific Gas & Electric ka njoftuar se mund të detyrohet të ndërpresë energjinë elektrike në 36 rajone, mes parashikimeve për rritjen e zjarreve.

Kompania amerikane druhet se flakët mund t’i dëmtojë objektet dhe të shkaktojnë zjarre të reja.

Paralajmërimi erdhi ndërsa zjarret detyruan rreth 50,000 njerëz të ikin nga shtëpitë e tyre.

Gjendje e jashtëzakonshme është shpallur tashmë në Los Anxhelos dhe Sonoma.

Përndryshe, zjarri më vdekjeprurës në historinë e Kalifornisë, i cili vrau 85 persona në vitin 2018, u shkaktua pikërisht nga linjat e energjisë së kompanisë Pacific Gas & Electric.

Aktualisht, më shumë se 1.300 zjarrfikës po merren me flakën, që mbeten të pakontrolluara.

Gjatë tërë javës, banorët e Kalifornisë u përballën me ndërprerje të rrymës, e cila u rikthye te shumica e klientëve të enjten vonë.

Por, zyrtarët paralajmërojnë për më shumë ndërprerje gjatë fundjavës në rajonet ku pritet të ketë erëra dhe nxehtësi të madhe.

© KOHA. Të gjitha të drejtat janë të rezervuara.

Komentet

Shto koment

Të ngjashme