Bideni e fajëson Trumpin për ndotje të politikës

22 September 2019 19:52

Joe Bideni e ka akuzuar presidentin Donald Trump për ndotje të politikës dhe ka premtuar se do ta mposhtë, në rast se shpallet kandidat për zgjedhjet presidenciale të vitit 2020.

Gjatë dy ditëve të fundit, mediat amerikane kanë raportuar se Trumpi i kishte bërë presion presidentit të Ukrainës që ta hetojë Bidenin dhe të birin e tij për shkak të një biznesi në këtë shtet, transmeton KTV. Rasti i telefonatës, që besohet se ka ndodhur në muajin korrik, ka ngjallur një betejë të re mes demokratëve dhe republikanëve.

“The Wall Street Journal” ka raportuar se presidenti i Ukrainës, Volodymyr Zelensiy ishte telefonuar tetë herë nga administrata e Trumpit dhe se rasti është denoncuar nga një punonjës i Shtëpisë së Bardhë, që kishte kërkuar të mbetej anonim për shkak të ndjeshmërisë së rastit.

I menjëhershëm ka qenë reagimi i shtetit ukrainas, që përmes ministrit të saj të Jashtëm, ka mohuar se Trumpi i ka bërë presion presidentit Zelenskiy.

© KOHA

Komentet

Shto koment

Të ngjashme