Evakuohen shkollat dhe metroja pas tërmetit në Tajvan

Një tërmet me intensitet prej 6.1 ballësh të Rihterit e ka goditur qytetin bregdetar të Hualienit në Tajvan të enjten, duke shkaktuar lëkundjen e objekteve dhe duke e ndalur përkohësisht shërbimin e metrosë në Taipei, kryeqytetin e ishullit, ndonëse nuk u raportua për dëme të rënda apo viktima.

Pamjet televizive shfaqën nxënësit duke u evakuuar prej shkollave, pas tërmetit më të rëndë në Tajvan këtë vit, ka bërë të ditur një zyrtar i shërbimit meteorologjik të ishullit. Rreth 100 njerëz u evakuuan prej një ndërtese në Taipei City, derisa dy njerëz u lënduan nga rënia e gurëve në qytetin turistik Hualien, ka bërë të ditur qeveria, raporton “Reuters”, transmeton “Koha Ditore”.