Botë

Presidenti ekuadorian: Assange përdori Ambasadën për “spiunazh”

Foto: Reuters
 

Vetëm pak ditë pasi i ndezi “dritën jeshile” Policisë Metropolitane për ta arrestuar pas revokimit të azilit politik, presidenti i vendit amerikano-latin është shprehur se themeluesi i “Wikileaks”-it, Julian Assange ka shfrytëzuar Ambasadën ekuadoriane në Londër si një “qendër spiunazhi”.

Lenin Moreno tha gjithashtu se asnjë shtet tjetër nuk ka ndikuar në vendimin për t’i revokuar azilin, por gjithçka ka ardhur si pasojë e shkeljeve nga vet Assange. Duke folur për “The Guardian”, presidenti Moreno pretendon madje se ish-qeveria e Ekuadorit i ka ofruar ambiente brenda Ambasadës “për të ndërhyrë” në çështje të shteteve të tjera.