Botë

Koalicioni sirian i përkrahur nga SHBA-ja zhvillon betejën vendimtare ndaj ISIS-it

Forcat siriane të mbështetura nga SHBA-ja, që ndodhen në bastionin e fundit territorial të ISIS-it pranë kufirit me Irakun, janë duke luftuar në betejën vendimtare për dëbimin e terroristëve të mbetur në atë rajon.

Forcat Demokratike të Sirisë janë përleshur për rreth 18 orë brenda fshatit Baghouz. Luftimet u zhvilluan pasi u larguan civilët e mbetur.

Marrja e Baghouzit, një fshat sirian lindor në bregun e lumit Eufrat, do t’u jepte fund përpjekjeve katërvjeçare ndërkombëtare për ta dëbuar ISIS-in, transmeton KTV. Por, grupi ende përbën kërcënim, duke përdorur taktikat guerile.

Së fundmi, presidenti amerikan Trump, ka thënë se ISIS-i është mposhtur përfundimisht në Siri.