Botë

Arrestohen 3 irakianë në Gjermani, po planifkonin sulm terrorist

Tre refugjatë irakianë janë arrestuar në Gjermani ,e akuzën se kishin planifikuar një atentat. Lajmi bëhet i ditur nga gazeta “Spiegel” në versionin e saj online, transmeton Shqip.

Për Prokurorinë e Përgjithshme, dy nga të arrestuarit kanë qenë gati edhe nga ana materiale për të goditur, ndërsa i treti kishte bashkëpunuar për përgatitjen e sulmit. Arrestimet kanë ndodhur në Landin e Schlesëig Holstein. Nuk dihet se cili ka qenë objektivi i sulmit të mundshëm të tre irakianëve.

Një zëdhënëse e policisë federale të Gjermanisë, Daniela Kiss, konfirmoi se oficerët ishin të përfshirë në një operacion së bashku me policinë e shtetit, por iu referuan prokurorëve federalë për hollësi të mëtejshme.

Prokurorët federalë gjermanë, të cilët nuk mund të konfirmojnë menjëherë raportet, janë përgjegjës për hetimin e krimeve të rënda, përfshirë terrorizmin.

Spiegel Online raporton se personat, të identifikuar si Shahin F., Hersh S. dhe Rauf S., dëshironin të përdorin fishekzjarrë për të ndërtuar një eksploziv dhe kishin urdhëruar një detonator nga Britania.