Prodhuesi gjerman i automjeteve luksoze, Porsche, ka thënë se është në bisedime me kompaninë teknologjike Google, për integrimin e softuerit të tij në kabinën e veturës, raportoi të mërkurën Reuters.
Bisedimet rreth Shërbimeve Automobilistike të Googlet janë duke u zhvilluar, ka njoftuar drejtori ekzekutiv, Oliver Blume, të hënën pasi prezantoi rezultatet e vitit të plotë të markës për vitin 2022.
Reuters ka raportuar në janar se Porscheja po peshonte integrimin e softuerit të Googlet, i cili do t’u jepte klientëve qasje në aplikacionet e kësaj kompanie si Google Maps dhe Google Assistant, pa pasur nevojë të lidhjes së veturës me një telefon Android.
Blume ka thënë se Porscheja gjithashtu është në bisedime me firmat e teknologjisë në Kinë për ofrimin e ushqimit për atë treg.
Kompanitë e teknologjisë nga Google tek Apple dhe Amazoni janë në një garë për të kontrolluar tabelat e prodhuesve të automjeteve pasi softueri bëhet një pjesë integrale e dizajnit të veturave.
General Motors, Renaulti, Nissani dhe Fordi janë ndër kompanitë e veturave që përdorin teknologjinë e integruara të Google në automjetet e tyre nëpërmjet një pakete të Shërbimeve Automobilistike të Googlet, duke ofruar Google Maps, Google Assistant dhe aplikacione të tjera.
Porsche më parë ka hezituar të përdorë softuerin Google sepse kompania teknologjike ka kërkuar që të ndahen shumë të dhëna.
© KOHA.
