Kopja e parë serike e Mustang GT-së së re u shit fundjavën e kaluar në ankandin Barrett-Jackson në Arizona, për rreth 565 mijë dollarë.

Vetura në fakt u shit për 490 mijë dollarë, por falë donacioneve shtesë, solli gjithsej 565 mijë dollarë, shkruan Autoblog.

Të gjitha të ardhurat nga shitjet do t'i shkojnë JDRF, organizata kryesore globale për kërkimin e diabetit të tipit 1 (T1D).

Kjo është gjenerata e tretë VIN 001 Mustang që doli në ankand për bamirësi.

“Fordi ka një traditë të gjatë të mbështetjes së organizatave bamirëse përmes ankandit Barrett-Jackson dhe ne jemi krenarë të ofrojmë Mustang GT-në krejtësisht të re për të mbështetur kauza të vlefshme siç janë kërkimet për diabetin e të miturve”, komentoi menaxheri i marketingut të Mustangut, Jim Owens.

“Kjo gjeneratë e shtatë është Mustang GT-ja jonë më e fuqishme deri më sot, dhe pronari jo vetëm që do të mbështesë një kauzë të mirë, por do të bëhet edhe pronar i Mustang GT-së së parë”, ka thënë ai.

Fituesi i ankandit ka mundësinë të zgjedhë çdo opsion standard Mustang GT. Këto përfshijnë një transmetim manual ose automatik, 11 ngjyra të disponueshme të jashtme, gomat dhe frenat.

Mustang GT 2024 ka një motor 5.0-litërsh Coyote V8 me 480 kf në formë standarde.

Pritet të jetë gati në vitin 2024.