Sipas një raporti të Shoqatës së Përgjithshme të Industrisë Gjermane të Sigurimeve (GDV), 14.229 automjete me sigurim gjithëpërfshirës (‘kasko’) u raportuan të vjedhura vitin e kaluar. Ky dëm është i barabartë me rreth 280 milionë euro.
SUV-ët ishin caku kryesor përsëri. Në veçanti, gjenerata e dytë e BMW X6-shit ka qenë në shënjestër të hajnave, transmeton KOHA.
Në vijim, ju sjellim listën e dhjetë veturave që janë vjedhur më së shumti në Gjermani:
BMW X6 - gjenerata e dytë;
Land Rover Velar - gjenerata e parë;
Mazda CX-5 - gjenerata e dytë;
Lexus CT200 - gjenerata e parë;
Toyota Prius + - gjenerata e parë;
Range Rover - gjenerata e tretë;
Lexus NX - gjenerata e parë;
Renault Talisman - gjenerata e parë;
Toyota GT86 - gjenerata e parë;
Toyota RAV4 - gjenerata e katërt.
“Është e dukshme që hajnat vodhën më pak vetura të reja, por ia mësyn veturave dy-tre vjeçare”, shpjegon GDV. Arsyeja për këtë, sipas ekspertëve, është se modelet e reja ofrojnë mbrojtje më të mirë kundër vjedhjes.
Kjo shoqatë, po ashtu, njofton se numri i vjedhjeve të automjeteve në Gjermani u ul më 2019-n.
© KOHA
