Kompania e njohur ABT Sportsline, ofron paketën për modifikim edhe për modelin atraktiv sportiv TT RS të Audit.
Motorin 2.5-litër Turbo me 5 cilindra të këtij modeli, ABT-ja e ka përforcuar nga 395 në 450 kuajfuqi si dhe për këtë TT RS ka zgjedhur sistemin e ri sportiv të shkarkimit të gazrave nga çeliku, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo
Po ashtu, kjo kompani nuk ka zbuluar përshpejtimin dhe shpejtësinë maksimale pas përforcimit por TT RS standard vazhdon të mbetet një “raketë” – deri në 100 kilometra në orë e arrin për 3,7 sekonda dhe atë maksimale deri në 280 km/h.
Paketa e ABT-së për këtë Audi TT RS, po ashtu, përfshinë edhe aerodinamikën nga fibra të karbonit (mbrojtësit e përparmë, të pasmë, etj.), maskën e përparme me mbishkrimin “TT RS-R”, amortizatorët e modifikuar, set të rrotave 19 ose 20-inçësh nga alumini, si dhe dritat LED të cilat ndriçojnë mbishkrimin “TT RS-R” kur hapen dyert.
Gjithashtu, ABT Sportsline e ka modifikuar edhe interierin e këtij modeli atraktiv i cili tani përbëhet nga lëkura, disa pjesë nga fibra të karbonit, si dhe ulëset sportive me logon “TT RS-R”.