Auto

Aksidentohet automobilisti Kalenderi, s’arrin të përfundojë garën në Buzet

Aksidentohet automobilisti Kalenderi, s’arrin të përfundojë garën në Buzet

Automobilisti Liridon Kalenderi nuk ka arritur të përfundojë garën në Buzet, pasi sot ka pasur aksident, i cili në dukje të parë duket mjaft i frikshëm, por që për fat të mirë të tij ka kaluar vetëm me dëme materiale, bën të ditur FASK-u përmes një komunikate për media.

“Kam pasur aksident në vozitjen e parë dhe më vjen shumë keq që ndodhi, sepse realisht nuk është dashur të ndodhte. Përparësia ndaj rivalëve ka qenë e madhe, prandaj nuk kam pasur nevojë të rrezikojë asgjë. Mirëpo, duket se asfalti në atë pjesë nuk ka qenë shumë i përshtatshëm, por me gjasë edhe vetura në trapin e prapmë nuk ishte në gjendjen më të mirë. Sidoqoftë, gjithçka përfundoi vetëm me dëme materiale, por po e përsëris që më vjen shumë keq që e humbëm mundësinë të kthehemi me fitore nga një garë kaq prestigjioze”, ka thënë Kalenderi pak çaste pas aksidentit, transmeton Koha.net.