Kompania e njohur që merret me modifikimin e veturave, Overfinch, tani po afron versionin e modifikuar të modelit të fuqishëm Range Rover Sport SVR. Po ashtu, kjo kompani njofton se SVR Supersport i saj do të prodhohet në seri të kufizuar prej vetëm 25 kopje.

Ky SVR Supersport, ndër të tjera, vjen me pamje “agresive”, set të ri të rrotave “Leggero” 22-inç nga alumini, si dhe kofanon nga fibra të karbonit, transmeton Koha.net.

Gjithashtu, vjen edhe me sistemin e shkarkimit të gazrave nga titani, sistemin e modifikuar “Brembo” të frenave, si dhe interier me lëkurë “Ebony”.

Sa i përket motorit, ai është përforcuar por nuk janë zbuluar detajet se sa kuajfuqi ka tani.

Overfinch Range Rover Sport SVR Supersport në foto, ofrohet me çmim prej 260.000 funte.