Punëtorët e Audit në Hungari në grevë, kërkojnë rritje pagash

Rreth 4,000 punëtorë të fabrikës së Audit në Hungari kanë mbajtur një grevë dy-orëshe paralajmëruar. Ata kërkojnë rritje pagash dhe përfitime tjera nga prodhuesi prestigjioz gjerman i veturave.

Udhëheqësi i sindikatës së punëtorëve, Sandor Nemeth ka thënë se ndërprerja e dy-orëshe e punës e së premtes ishte “jashtëzakonisht e suksesshme”, një provë se punëtorët mbështesin kërkesat e sindikatës, raporton Associated Press, transmeton Koha.net. Kërkesat e tyre përfshijnë rritjen e pagës për 18 për qind ose së paku rreth 235 euro, si dhe të paktën një fundjavë të lirë në muaj.