Renault Clio 5 pritet të prezantohet në Gjenevë Foto: Carscoops

Renault Clio 5 pritet të prezantohet në Gjenevë

15 January 2019 20:37

Vetura e re e gjeneratës së pestë do të debutojë në mars dhe gjithashtu do të ketë një version hibrid.

Renault është duke përgatitur një Clio të ri dhe vetura është parë gjatë testimeve në Suedi gjatë këtyre ditëve në kushte ekstreme të vozitjes në dimër, transmeton KosovaPress. Në këtë fazë të testimit, Clio i ri ishte i maskuar.

Clio i ri nuk do të bazohet në një platformë mekanike të re, por në një bazë të përmirësuar të përdorur nga gjenerata e tanishme e katërt e këtij modeli. Modeli bazë do të vijë me motor benzinë 1.3-litër Turbo me katër cilindra.

Gjithashtu, Clio do të jetë në dispozicion edhe në version hibrid, i pajisur me një sistem elektrik 48 voltësh.

Edhe pse u spekulua se premiera e Clio 5 do të mbahej në vjeshtën e kaluar në panairin e veturave në Paris, kjo nuk ka ndodhur dhe pritet që ky model të shfaqet në Gjenevë, në muajin mars të këtij viti.

Komentet

Shto koment

Të ngjashme