Arbëri

BE-ja ia kujton Kosovës se të drejtat e njeriut janë të rëndësishme në procesin e integrimit

Në Kosovë, zyrtarë të Bashkimit Evropian thanë të enjten, se mbrojtja e të drejtave të njeriut, posaçërisht të rasteve të ndjeshme, është një nga kriteret kryesore për vendet që aspirojnë integrimet evropiane.

Këto komente u bënë gjatë publikimit të një mekanizmi përcjellës të rasteve të shkeljeve të të drejtave të njeriut të raportuara në Kosovë, e që sipas organizatave për mbrojtjen e këtyre të drejtave, qytetarët e Kosovës përveçse përballen me mungesën e drejtësisë, sfidë mbetet edhe zbatimi i vendimeve të gjykatave.