Situata në veri të Kosovës, Vuçiqi bisedon me Borrellin dhe Tajanin
Presidenti i Serbisë Aleksandar Vuçiç ka zhvilluar një bisedë telefonike me përfaqësuesin e lartë të BE-së për punët e jashtme dhe politikën e sigurisë, Josep Borrell.
Vuçiq gjithashtu ka folur edhe me zëvendëspresidentin e Këshillit të Ministrave, njëherësh ministër i Punëve të Jashtme i Republikës së Italisë Antonio Tajani.
Siç shkruan mediumi serb b92 Vuçiqi i ka informuar ata për gjithçka që po ndodh në Kosovë dhe u ka thënë atyre se gjithçka është organizuar nga kryeministri i Kosovës Albin Kurti.
Presidenti Vuçiq gjithashtu thuhet se ka theksuar se Serbia dhe serbët do të bëjnë gjithçka për të ruajtur paqen dhe stabilitetin.
