Ambasadori i Shteteve të Bashkuara të Amerikës në Kosovë, Jeffrey Hovenier, ka uruar Finlandën për anëtarësimin në NATO.
Hovenieri ka thënë se SHBA-ja dhe Finlanda kanë qenë prej kohësh partnere të ngushta në Kosovë.
“Urime dhe mirëseardhje për Finlandën, aleatin tonë më të ri. SHBA-ja dhe Finlanda kanë qenë prej kohësh partnerë të ngushtë në Kosovë, duke përfshirë edhe si pjesë të KFOR-it – misionit të NATO-s. Mezi presim të thellojmë partneritetin tonë. Ne jemi NATO. Së bashku më të fortë”, ka shkruar ai në Twitter.
Congratulations and welcome to our newest ally ??. The U.S. and Finland have long been close partners in Kosovo, including as part of @NATO_KFOR. Looking forward to deepening our partnership. #WeAreNATO #StrongerTogether https://t.co/egGK7E0nf7
— Ambassador Jeff Hovenier (@USAmbKosovo) April 4, 2023
Finlanda është bërë anëtarja më e re, e 31-ta, e NATO-s, pas mbajtjes së ceremonisë së pranimit të martën, 4 prill, në Bruksel.
