Arbëri

Trajkoviq flet për kërcënimet me jetë që po merr

Politikanja serbe Rada Trajkoviq, njëherit këshilltare e ministrit për Kthim dhe Komunitete në Qeverinë e Kosovës, Nenad Rashiq, ka folur për kërcënimet me jetë që është duke marrë në Serbi.

Trajkoviq në podcastin “Snaga uma” ka folur për fëmijërinë e saj në Podujevë, luftën në Kosovë dhe presionet me të cilat po përballet së fundi.

Ajo ka thënë se ka marrë kërcënime me vdekje, gjë që po i shqetëson fëmijët e saj, raporton “Kossev”.

“Duke marrë parasysh se më vinë kërcënime të ndryshme për likuidim, atëherë si mund të mbijetoj? Prandaj fëmijët e mi më përcjellin kudo. Ata shqetësohen se do të më ndodhë diçka dhe unë nuk u besoj njerëzve. Ka shumë gjëra që kanë shkruar për mua. Ka kaq shumë gjëra të tmerrshme për mua, saqë kur lexon gjithçka që shkruhet dhe çfarë është në rrjetet sociale, atëherë të vjen keq”, ka thënë Trajkoviq.