Ish-kryeministri i Suedisë, Carl Bildt, ka uruar Kosovën dhe Serbinë për marrëveshjen e arritur të shtunën në Ohër.
Bildt, që kishte shërbyer ndër të tjera edhe si i dërguar i posaçëm i Sekretarit të Përgjithshëm të OKB-së për Ballkanin nga viti 1999 deri më 2001, ka thënë se kjo marrëveshje është hap i rëndësishëm për të ardhmet e dy vendeve.
“Urime Miroslav Lajçakut dhe Josep Borrellit për arritje të kësaj marrëveshje, pas viteve diplomaci të durueshme. Koordinimi me SHBA-në po ashtu ka qenë i rëndësishëm. Por, më kryesore urime Kosovës dhe Serbisë për një hap të rëndësishëm drejt të ardhmeve të tyre”, ka shkruar Bild në Twitter.
Bildt ka qenë edhe ministër i Jashtëm i Suedisë e po ashtu ndërmjetësues në luftërat në ish-Jugosllavi.
Bildt ka thënë se implementimi i marrëvehsjes kërkon një monitorim shumë të ngushtë dhe menaxhim në vitet në vijim.
“Mësimet nga marrëveshja e vitit 2013 nuk duhet harruar. Ka ambiguitete që kërkojnë vigjilencë”, ka thënë Bildt.
But the implementation of the ???? agreement will require very close monitoring and management in the years ahead. The lessons of the 2013 agreement should not be forgotten. There are ambiguities that will require vigilance. https://t.co/6x7UfMLzAC https://t.co/2Mj4LCALt0
— Carl Bildt (@carlbildt) March 19, 2023
