Arbëri

Mot me diell të shtunën në Kosovë

Instituti Hidrometeorologjik i Kosovës (IHK) ka njoftuar të premten se Kosova do të vazhdojë të mbetet nën ndikimin e masave të fuqishme anticiklonike.

Sipas njoftimit, gjatë fundjavës në vend do të ketë mot kryesisht me diell dhe të qëndrueshëm.

“Temperaturat do të rriten në të dy vlerat ekstreme. Minimalet do të lëvizin ndërmjet -1 deri 2 gradë celsius, ndërsa temperaturat maksimale parashihen të lëvizin ndërmjet 11-16 gradë celsius. Do të fryjë erë e lehtë deri mesatare nga drejtimi i jugut dhe jugperëndimi”, thuhet në njoftimin e IHK-së.