NATO ka reaguar për sulmin e mbrëmshëm në veri të Kosovës me shok-bombë ndaj patrullës së EULEX-it. Patrulla e EULEX-it ishte sulmuar në afërsi të barrikadës në Rudar.
NATO ka thënë se e dënon këtë sulm dhe ka bërë thirrje që përgjegjësit të vihen para drejtësisë.
Ndërkohë nga NATO është bërë thirrje të evitohen veprimet provokuese dhe të kontribuojnë dyja palët për qetësi dhe stabilitet.
“Ne i bashkohemi aleatëve tanë në NATO dhe BE-së duke dënuar fuqishëm sulmin me shok-bomba ndaj patrullës së EULEX-it mbrëmë. Çdo sulm i tillë është i papranueshëm dhe përgjegjësit duhet të japin përgjegjësi. Misioni ynë KFOR mbetet shumë vigjilent dhe është plotësisht në gjendje të kryejë mandatin në Kosovë që i buron nga OKB-ja. Ne i bëjmë thirrje gjitha palëve të evitojnë veprimet provokative dhe retorikat e të kontribuojnë për të qetësi dhe stabilitet”, thuhet në postimin e zëdhënëses së NATO-s, Oana Lungescu në Twitter.
© KOHA. Të gjitha të drejtat janë të rezervuara.
