Arbëri

IKSHPK: Ujë i turbullt në tri komuna të Kosovës

Instituti Kombëtar i Shëndetit Publik të Kosovës (IKSHPK), njoftoi se është vërejtur turbullirë e shtuar e ujit të pijshëm në komunat e Deçanit, Klinës dhe Istogut, me ç’rast bëri thirrje për kujdes.

“Rekomandimet e përgjithshme: 1. Uji para përdorimit të vlohet. 2. Të konsumohet uji për pije nga resurset e sigurta ose uji i ambalazhuar”, thuhet në njoftim.

Telashe me ujin kanë edhe disa komuna të tjera të Kosovës për shkak të vërshimeve që ndodhën, që nga e shtuna mbrëma.

Në Istog, autoritetet thanë gjatë ditës për KOHËN se situata është alarmante dhe vërshimet e ujit i kanë dëmtuar disa shtëpi. Mbi 30 kompani janë angazhuar për t’u dalë në ndihmë qytetarëve.