PSD-ja e quan “legalizim të strukturave paralele” marrëveshjen për letërnjoftimet
Foto: Driton Paçarada/KOHA
Partia Socialdemokrate zhvilloi një aksion të martën para objektit të Qeverisë.
Me pankartën e madhe me mbishkrimin “Strukturat paralele u legalizuan, rroftë Qeveria”, PSD-ja kritikoi Qeverinë se Serbia po iu lëshon serbëve të Kosovës dokumente identifikimi, me mbishkrimin “Departamenti i Policisë për: Mitrovicë e Kosovës, Prishtinë, Pejë, etj”.
Me këtë marrëveshje, shtetasit e Kosovës do të mund të kalojnë nëpër Serbi me letërnjoftim të Kosovës, njëjtë edhe ata me letërnjoftime të Serbisë mund të futen në Kosovë.
Deri më tash, Kosova lejonte një mënyrë të tillë të lëvizjes, derisa Serbia në hyrje të territorit të saj pajiste shtetasit e Kosovës me një dokument të përkohshëm, pasi nuk i njihte letërnjoftimet RKS.
