Arbëri

Thyhet me forcë dera e zyrtarit të MPJD-së nga Departamenti që mbulon rajonin

Një incident përbrenda Ministrisë së Punëve të Jashtme dhe Diasporës ka ndodhur gjatë kësaj jave, kur një zyrtar i lartë ka hyrë me forcë në zyrën e një kolegu të tij.

 

Është thyer me forcë dera e zyrtarit të lartë të Ministrisë së Punëve të Jashtme dhe Diasporës, Amir Haziri, nga kolegu i tij, Ragip Zejnullahu. Akti ka ndodhur para rreth dy javësh, në kohën kur Haziri ndodhej në pushim pa pagesë. Teksa ngjarja nuk është mohuar nga zyrtarët e përfshirë, sqarime rreth rastit nuk kanë ofruar as Policia dhe as Ministria e Punëve të Jashtme e Diasporës

Një incident përbrenda Ministrisë së Punëve të Jashtme dhe Diasporës ka ndodhur gjatë kësaj jave, kur një zyrtar i lartë ka hyrë me forcë në zyrën e një kolegu të tij.

Burime të ndryshme brenda këtij dikasteri i kanë thënë KOHËS se udhëheqësi i Departamentit për Shërbime të Përgjithshme, Ragip Zejnullahu, ka hyrë me forcë në zyrën e Amir Hazirit, i cili mbulon Departamentin për rajon, përfshirë Serbinë.