Shefi i EULEX-it, Lars Gunnar-Wigemark, ka dënuar sulmet ndaj Policisë së Kosovës në veri.
Ai ka thënë se EULEX-i do të shtojë patrullat në atë pjesë.
Të shtunën është sulmuar Policia e Kosovës në liqenin e Ujmanit.
“Të shtënat sot në liqenin e Gazivodës/Ujmanit janë edhe një sulm me zjarr ndaj Policisë së Kosovës. Askush nuk u lëndua, por këto sulme jo vetëm që janë të rrezikshme, janë edhe veprime kriminale dhe duhet të ndalojnë menjëherë. EULEX-i do të rrisë patrullat në atë pjesë”, thuhet në postimin e kreut të EULEX-it”, ka shkruar Wigemark në Twitter.
Today’s shooting at Lake Gazivoda/Ujmani is yet another attack with fire arms on the Kosovo Police. Nobody was injured, but these attacks are not only dangerous, they are criminal acts and need to cease immediately. @EULEXKosovo will increase its patrols in the area.
— Lars-Gunnar Wigemark (@LarsGWigemark) August 6, 2022
