Arbëri

Gjashtë raste pozitive me COVID-19 të shtunën në Kosovë

lab

Gjashtë raste pozitive me COVID-19 janë regjistruar gjatë 24 orëve të fundit në Kosovë, ka njoftuar të shtunën ministria e Shëndetësisë.

Sipas njoftimit, nuk është shënuar asnjë rast i vdekjes. Ndërkohë, numri i rasteve aktive në nivel vendi është 57.

Sa i përket vaksinimit, gjatë 24 orëve të fundit janë vaksinuar 77 persona kundër koronavirusit.

Numri i të vaksinuarve me të dy dozat deri më tani në Kosovë është 823.224, ndërkaq me dozë të tretë dhe përforcuese është 102.838.

Numri total i dozave të administruara të vaksinave kundër koronavirusit është 1.829.405.

Vaksinimi në Kosovë ka nisur më 31 mars të vitit 2021.