Arbëri

LDK-ja zyrtarisht inicion shkarkimin e Bordit të ZRRE-së

 

Grupi Parlamentar i Lidhjes Demokratike të Kosovës ka dorëzuar nismën për shkarkimin e Bordit të Zyrës së Rregullatorit të Energjisë, ka bërë të ditur shefi i deputetëve të LDK-së, Arben Gashi.

“Vendimet e bordit të ZRRE-së kanë qenë jo transparente, diskriminuese ndaj konsumatorëve si dhe kundër interesit publik. Paaftësia në menaxhimin e krizës së energjisë dhe papërgjegjësia e bordit të ZRRE-së ka dëmtuar rënd mirëqenien e qytetarëve duke e thelluar krizën e papërballueshmërisë, andaj shkarkimi i këtij bordi është më e pakta”, ka shkruar ai në Facebook të premten.