Arbëri

KDI: Dialogu Kosovë – Serbi është interes kombëtar dhe i domosdoshëm

 

Instituti Demokratik i Kosovës (KDI), ka mbajtur diskutimin me temën “Raportet Kosovë-Serbi: Tabelat e veturave dhe një Dialog që nuk po lëvizë!”. Në këtë diskutim morën pjesë përfaqësues të shoqërisë civile me pjesëmarrës nga politika, mediat dhe përfaqësuesit e misioneve ndërkombëtare në Kosovë.

Në këtë diskutim janë adresuar çështjet si: dialogu në mes Kosovës dhe Serbisë për më shumë se një dekadë, si dhe mos arritja akoma e një marrëveshje finale mes dy vendeve. Po ashtu, është diskutuar edhe për tabelat e veturave te diskutimet mbi elementet e marrëveshjes finale, në sensin sa janë gjasat që Kosova dhe Serbia të gjejnë zgjidhje për të gjitha çështjet?. Njëkohësisht në këtë diskutim u debatua edhe ndikimi i situatës së re gjeopolitike në raportet dhe dialogun në mes të Kosovës dhe Serbisë.