Gjatë orëve të paradites, në autostradën “Arben Xhaferi” që lidh Prishtinën me Shkupin, janë parë forca të shumta të policisë së Kosovës.
Policë janë parë skaj rrugëve, në kyçe e mbi ura.
Zyrtarë të Policisë, në kushte anonimiteti, thanë për KOHËN se ky sigurim i rrugës bëhet, pasi nëpër të do të kalojë transit presidenti i Maqedonisë së Veriut, Stevo Pendarovski.
“Nuk është vizitë zyrtare, është vetëm kalim transit dhe për këtë kompetente të flasë është Ministria e Punëve të Jashtme”, ka thënë një burim nga Policia.
E nga MPJ-ja nuk kanë kthyer përgjigje deri në botimin e tekstit.
