Rama i gatshëm ta legalizojë kanabisin edhe për përdorim vetjak
Kryeministri i Shqipërisë, Edi Rama, ka thënë të shtunën se është i gatshëm që të legalizojë kanabisin edhe për përdorim vetjak. Që kjo të realizohet, sipas Ramës, është dëshira e popullit.
Rama konfirmoi se në këshillimin tjetër kombëtar, do të përfshijnë në mesin e pyetjeve, edhe atë për përdorimin personal të kanabisit.
“Vitin tjetër do shtrojmë pyetjen, a doni të keni përdorimin vetjak, në atë gramaturën e vogël. Unë s’kam opinion. Tani jemi shumë të qartë, nëse do të thonë shqiptarët që përdorimi personal të lejohet, na vjen keq për të gjallët që kanë vdekur, por do e bëjmë”, ka thënë Rama.
Qytetarët e Shqipërisë janë shprehur pro legalizimit të kanabisit për qëllime mjekësore javën e kaluar dhe Rama ka premtuar se kjo nismë do të bëhet realitet.
