1 perditesime
Arbëri

Dyshime për orkestrim, shteti nis inspektimin për shtrenjtimin e naftës

Dyshime për orkestrim, shteti nis inspektimin për shtrenjtimin e naftës
Foto: Driton Paçarada / KOHA
12:46

Dyshime për orkestrim, shteti nis inspektimin për shtrenjtimin e naftës

Ministria e Industrisë, Ndërmarrësisë dhe Tregtisë ka bërë të ditur se autoritetet kanë nisur inspektimin në terren pas ngritjes së çmimit të naftës të mërkurën. Sipas MINT-it, paralajmërimet e ngjarjes dhe sinkronizimi ka lënë hapësirë për dyshim për orkestrim të rritjes së çmimit.

“Sot në mëngjes ka pasur rritje të çmimit të derivateve të naftës. Paralajmërimet e kësaj ngjarje dhe sinkronizimi lenë hapësirë për dyshim në orkestrim të rritjes së çmimit. Autoritetet po inspektojnë në terren”, ka njoftuar MINT-i të mërkurën në mesditë. “Ministria e Industrisë, Ndërmarrësisë dhe Tregtisë i inkurajon qytetarët të adresojnë ankesat e tyre në Departamentin për Mbrojtjen e Konsumatorit në çdo rast që gjykojnë se ka keqpërdorim, abuzim, në çdo pikë të shitjes që e hasin këtë problem”.

Të mërkurën një litër naftë në Kosovë ka arritur çmimin deri në 1.69 euro, pavarësisht se në bursa ndërkombëtare çmimi ka pësuar rënie.

09:31

Shtrenjtohet sërish nafta në Kosovë

Pas uljes së çmimit për disa ditë, nafta ka përjetuar ngritje të serishme të çmimit në Kosovë. Një litër naftë tani kushton nga 1.59 euro deri në 1.69.

Që nga nisja e luftës në Ukrainë, çmimi i naftës në botë ka shënuar rritje të madhe. Në Kosovë arriti në vlera rekorde prej mbi 1.8 euro.

Nga Shoqata e Naftëtarëve kanë paralajmëruar se s’do të ketë stabilitet të çmimeve në tregun e karburanteve deri në përfundim të luftës në Ukrainë.

Të martën u raportua për rënie të çmimeve të naftës në tregjet ndërkombëtare, për shkak të avancimit të bisedimeve në mes të Rusisë dhe Ukrainës./KP