Arbëri

Selmanaj për Qeverinë: Populistët të tillë janë, kujdesen për popullin vetëm sa t’u marrin votën

Deputeti i LDK-së, Driton Selmanaj, ka kritikuar Qeverinë Kurti, për rritjen e çmimit të energjisë elektrike.

Tarifat e reja pas konsultimeve publike pritet që të hyjnë në fuqi nga 1 shkurti i këtij viti deri më 31 mars 2023.

Selmanaj ka thënë se partia në pushtet është kujdesur për popullin vetëm derisa e ka marrë votën, dhe se me të ardhur në pushtet i ka hipur në qafë popullit.

“Në fillim ju thanë qytetarëve mos u ngrohni me dru se po dëmtohen pyjet, pastaj ju thanë mos u ngrohni me qymyr se po ndotet ambienti, kur qytetarët mbeten pa asnjë rrugë tjetër dhe u orientuan ka ngrohja me energji, atëherë del qeveria dhe ua shtrenjton deri në 100% çmimin e energjisë. E me çka të ngrohen njerëzit?!!! Mos u befasoni, populistët të tillë janë. Kujdesen për popullin vetëm derisa ua marrin votën, pastaj puna e parë që bëjnë i hipin në qafë popullit. Nëse nuk i ndalim me kohë, nesër do jetë vonë”, ka shkruar Selmanaj në Facebook.