Shemsi Mustafa nga Instituti Sizmologjik i Kosovës ka deklaruar se Greqia është zonë me aktivitet të lartë sizmik.
Ai shkroi në Facebook pas tërmetit që ndodhi në Greqi me 5.8 shkallë të Rihterit, dridhjet e të cilit u dëgjuan edhe në Kosovë, Shqipëri, Maqedoni të Veriut, Bosnje, Bullgari e Mal të Zi.
“Greqia me aktivitet sizmik të lart, nuk ka qetësi kjo zonë. Greqia e vendosur gjeografikisht në pllakën mbizotëruese të subduksionit të Afrikës që shtyn Euro-Aziatiken dhe qëndron në themel të Euro-Aziatikes përgjatë këtij kontakti, është një nga zonat më aktive sizmike në Mesdheun lindor”, shkroi Mustafa.