42 raste pozitive me COVID-19 të premten në Kosovë
Foto: Driton Paqarada/KOHA
Gjatë ditës së premte, në Kosovë janë shënuar 42 raste pozitive me COVID-19 në Kosovë, nga testimi i 3,561 të dyshuarve për virus.
Sipas njoftimit të Ministrisë së Shëndetësisë, gjatë 24 orëve të fundit nuk është shënuar asnjë rast i vdekjes si pasojë e koronavirusit.
MSH-ja ka bërë të ditur se të premten numri i të shëruarve është 8 derisa numri i rasteve aktive është 453.
Sa i përket vaksinimit, gjatë 24 orëve të fundit janë vaksinuar 2.018 persona. Numri i personave të vaksinuar me të dy dozat e vaksinës është 782,696, derisa numri i dozave të administruara të vaksinës që nga fillimi i procesit në fund të muajit mars, është 1,673,578.
