Bajrami: Qeveria, MPB-ja, Policia e AKI-ja duhet të japin përgjegjësi për vrasjet në Gllogjan
Deputetja e Lidhjes Demokratike të Kosovës, Hykmete Bajrami, ka thënë se Qeveria e Kosovës, Ministria e Punëve të Brendshme, Policia e Kosovës, Agjencia Kosovare e Inteligjencës duhet të japin përgjegjësi bashkërisht për mungesë të rezultateve në zbardhjen e vrasjeve në Gllogjan të Deçanit.
Bajrami i ka sugjeruar këtyre institucioneve që të kërkojnë ndihmë edhe nga ndërkombëtaret për të zbardhur krimin e trefishtë.
“Zbardheni krimin në Gllogjan, kërkoni ndihmë edhe nga ndërkombëtarët. Qeveria e Kosovës, Ministria e Punëve të Brendshme, Policia e Kosovës, Agjencia Kosovare e Inteligjencës duhet të japin përgjegjësi bashkërisht për mungesë të rezultateve në zbardhjen e vrasjeve në Gllogjan të Deçanit. Nëse institucionet tona s’po bien në gjurmë të vrasësit/vrasësve, atëherë duhet kërkuar ndihmën te miqtë tanë. Në radhë të parë te institucionet e sigurisë amerikane. Prej pasluftës janë mbi 400 vrasje të pazbardhura. Secila vrasje duhet të zbardhet dhe posaçërisht vrasja e dy nxënësve dhe shoferit që ndodhi të premten në Gllogjan të Deçanit. Qeveria e Republikës së Kosovë nuk duhet të kursejë asgjë për të zbardhur vrasjen e trefishtë”, ka shkruar Bajrami në Facebook.
Të premten, rreth orës 19:00, një person sulmoi autobusin e linjës Deçan-Gjakovë, ku si pasojë mbetën të vdekur tre persona, dy nxënës dhe shoferi. Një person është plagosur dhe është jashtë rrezikut për jetë. Deri tani, pavarësisht kërkimeve të shumta, nuk ka asnjë të arrestuar dhe motivet mbeten ende të panjohura.
Zbardheni krimin në Gllogjan, kërkoni ndihmë edhe nga ndërkombëtarët Qeveria e Kosovës, Ministria e Punëve të...
