Arbëri

Pas shtrenjtimit të miellit, edhe furrtarët rrisin çmimin e bukës për 10 centë

 

Për 10 centë është rritur çmimi i bukës nëpër shumicën e furrave në Kosovë. Shkak për këtë, sipas furrtarëve, është rritja e çmimit të miellit. Qytetarët ankohen se kjo po bëhet e papërballueshme për ta. Kryeministri Albin Kurti ka paralajmëruar një pako masash në ndihmë të qytetarëve. Ndërsa BSPK-ja kërkon rritjen e pagës minimale

Një bukë 500-gramëshe që deri të hënën ka qenë 40 centë, mëngjesin e së martës është shitur me çmim tjetër, pothuajse në çdo furrë në kryeqytet dhe qytete të tjera të Kosovës. Çmimi i saj është rritur për 5 deri në 10 centë.

Një gjë të tillë thotë se është i detyruar ta bëjë edhe Shefki Berisha, pronar i një furre në kryeqytet. Shkak për këtë, sipas tij, është rritja prej 80 për qind e çmimit të miellit.