Ambasadori i Gjermanisë në Kosovë, Jorn Rohde, ka reaguar ndaj ministrit serb të Kosovës, Goran Rakiq, i cili kishte krahasuar aksionin e Policisë së Kosovës sot kundër kontrabanadës së mallrave dhe krimit të organizuar me aksionin që njihet si “Nata e Kristaltë” (pogromi i gjermanëve nazistë kundër çifutëve”.
“Nuk mund të durojmë më, ka mbetur të na marrin vetëm edhe ajrin. Kjo ka qenë si Nata e Kristaltë për ne”, tha Rakiq gjatë takimit në Rashkë me presidentin e Serbisë, Aleksandar Vuçiq.
E Rohde ka reaguar ashpër.
“Ndalo! Krahasimi i aksionit të sotëm të Policisë me “natën e kristaltë” është i papranueshëm. Krahasimi i tillë kontribuon drejt rrëfimeve të shtrembërimit dhe mohimit të Holokaustit. #MbroniFaktet”, ka shkruar Rohde në Twitter.
Stop! The comparison of today’s police action with the “crystal night” is unacceptable. Such comparisons contribute towards narratives of Holocaust distortion and denial. #ProtecttheFacts
— Ambassador Jörn Rohde (@GermanAmbKOS) October 13, 2021
