Moti në Kosovë gjatë dy ditëve të ardhshme do të jetë i vranët dhe me intervale me diell gjatë dy ditëve të ardhshme në Kosovë.
Të mërkurën do të ketë riga të dobëta të shiut në vise të larta. Temperaturat minimale do të sillen mes 10-11 gradë Celsius, ndërsa maksimalet mes 20-22 gradë Celsius.
Të enjten parashihet kryesisht mot i vranët, i shoqëruar nga riga shiu të intensitetit të dobët dhe mesatar, ndërsa në veriperëndim dhe perëndim të vendit parashihen reshje të dendura.
Siç ka njoftuar Instituti Hidrometeorologjik i Kosovës temperaturat minimale do të lëvizin mes 10-12 gradë Celsius, ndërsa maksimalet mes 16-18 gradë Celsius.
