2 perditesime
12:51

Dëshmitari: Gjatë luftës i kam njohur dy persona me emrin Salih

Saranda Ramaj

Po vazhdon seanca gjyqësore ndaj të akuzuarit Salih Mustafa, derisa aktualisht po dëgjohet dëshmia e dëshmitarit të dytë. Këtij të fundit pyetje po i parashtron avokati i Mustafës, Julios Von Bone.

Julios Von Bone: A e njihnin ndonjë person me mbiemrin Metolli?

Dëshmitari: Ka pasë shumë me mbiemrin Metolli, nuk e di për kë është fjala.

Julios Von Bone: Një person me emrin Nazif Metolli a e njihni? A e njihni ndonjë polic të Policisë Ushtarake me mbiemrin Metolli?

Dëshmitari: Nuk më kujtohet.

Julios Von Bone: A ju kujtohet a ka pasur ndonjë policë të Policisë Ushtarake me mjekër?

Dëshmitari: Nuk më kujtohet.

Julios Vonb Bone: A e njihni ndonjë person me emrin “Culla”?

Dëshmitari: Po pseudonimin e ka pasur “Culla”.

Julios Von Bone: Si e ka pasur emrin? Dhe nga e njihni?

Dëshmitari: Enver Krasniqi. E njoh si ushtar në Zllash përpara s’e kam njohur.

Julios Von Bone: Si ushtar ku ishte i vendosur?

Dëshmitari: Ka qenë në brigadën 153.

Julios Von Bone: A e njihni Rrahman Dinin?

Dëshmitari: Po.

Julios Von Bone: A ka pasur asistent Dini?

Dëshmitari: Po...(nuk kuptohet)

Julios Von Bone: Dhe veç këtij personi, Dini a kishte ndonjë asistent tjetër?

Dëshmitari: Se ai ka qenë i sëmurë ndoshta ka pas edhe tjerë asistentë, nuk e di cilin po e di që ky ka qëndruar më shumë me të.

Julios Von Bone: Dini a ishte përgjegjës për ndonjë gjë?

Dëshmitari: Sa e di ka qenë shef i shtabit të brigadës.

Juliso Von Bone: Sa herë keni pasur kontakte me atë?

Dëshmitari: Kam pasur edhe në jetën private edhe ushtarake kontakte me të.

Julios Von Bone: Në jetën ushtarake, në lidhje me çka keni pasur kontakte me të?

Dëshmitari: Ka qenë organizim të UÇK-së, kështu që kemi pas kontakte normale dhe të vazhdueshme.

Julios Von Bone: Për çfarë çështjesh diskutonit me Dinin?

Dëshmitari: Nuk më kujtohet çfarë çështje kemi biseduar, kemi biseduar për mënyrën e organizimit, mënyrën jetën private të njerëzve tonë familjeve tona, edhe kemi mundur të bisedojmë në mënyrë shoqërore, nuk është e thënë që kemi qëndruar gjithmonë në front t'u e prit armikun, por kemi qëndruar edhe në mënyrë të lirë, kemi biseduar edhe jashtë kompetencave ushtarake, kemi qëndruar nëpër oda, familje e këto, në atë aspekt po them unë që kom qëndruar më shumë me të.

Julios Von Bone: Në luftë a keni diskutuar për çështje sigurie me Rrahman Dinin?

Dëshmitari: S’kam diskutuar se s’kam pas arsye të diskutoj me të.

Julios Von Bone: A e dini që ka qenë një person në atë brigadë me emrin Sali? Kush ishte ky?

Dëshmitari: Kanë qenë dy Saliha. Njërit mbiemrin nuk ia di?

Julios Von Bone: Çfarë detyrash kishte ky Salihu? E keni taku ndonjëherë?

Dëshmitari: E kam taku në ndeja.

Julios Von Bone: Çka keni diskutuar kur jeni takuar?

Dëshmitari: Në kuptimin ushtarak s’kam diskutuar.

Julios Von Bone: Kë e ka pasur epror?

Dëshmitari: Ma merr mendja që eproret e Brigadës 153.

12:30

I vazhdohet paraburgimi Salih Mustafës

Trupi gjykues i kryesuar nga Mappie Veldt- Foglia ia ka vazhduar paraburgimin ish-pjesëtarit të Ushtrisë Çlirimtare të Kosovës (UÇK), Salih Mustafa, i cili po akuzohet për krime lufte.

Me anë të këtij vendimi, trupi gjykues gjithashtu ka urdhëruar Zyrën e Prokurorit të Specializuar (ZPS) dhe mbrojtjen e viktimave që nëse dëshirojnë mund të paraqesin parashtrimet e tyre për rishikimin e ardhshëm të paraburgimit deri të hënën, me 8 nëntor 2021, raporton Betimi për Drejtësi.

Ndërkaq, për mbrojtjen e Mustafës afati për parashtrimin e tyre për rishikimin e ardhshëm të paraburgimit është caktuar deri me 15 nëntor 2021.

12:26

Nis seanca gjyqësore ndaj Mustafës

Ka nisur seanca gjyqësore ndaj të akuzuarit për krime lufte, Salih Mustafa.

Edhe sot do të bëhet dëgjimi i dëshmisë së dëshmitarit të dytë, derisa këtij të fundit po i parashtron pyetje avokati Julius Von Bone.