Topalli pas përjashtimit të Berishës nga PD-ja: Basha më kujtoi Enver Hoxhën
Ish-kryetarja e Kuvendit të Shqipërisë, Jozefina Topalli, ka kritikuar ashpër kreun e Partisë Demokratike, Lulzim Basha, pas vendimit të këtij të fundit për përjashtimin e Sali Berishës nga Grupi Parlamentar në legjislaturën e re.
Basha përmes një video-mesazhi para pak minutave konfirmoi se Berisha nuk do të jetë pjesë e Grupit Parlamentar të PD-së, pasi ish-kryeministri i Shqipërisë u shpall person “non-grata” nga Shtetet e Bashkuara të Amerikës.
“Sonte më kujtoi edhe një herë Enver Hoxhen. Demokratë përjashtoni Lulzim Bashën nga Partia Demokratike. Basha ka vite që punon kundër interesit kombëtare dhe në veçanti kundër Partisë Demokratike. Sjellja e tij nuk ka pasur kurrë lidhje me vlerat e kësaj force politike. Ai ka shitur interesat e popullit opozitar dhe ka dëmtuar interesim publik të shqiptarëve në çdo pozicion ku ka qenë. Pa u larguar Lulzim Basha, nuk ik Edi Rama. Nëse ka një njeri të korruptuar dhe në opozitë është Lulzim Basha. Ai nuk ka asnjë të drejtë statutore dhe ligjore ta përjashtojë Berishën”, ka shkruar Topalli në Facebook.
Topalli, që kur Berisha u largua nga drejtimi i PD-së, ka pushuar aktivitetin e saj në këtë parti. Ajo konkurroi me një parti të re “Lëvizjen për Ndryshim” në zgjedhjet parlamentare të këtij viti në Shqipëri, por nuk mori vota të mjaftueshme për të qenë në Parlament.
Sonte me kujtoi edhe nje here Enver Hoxhen! Demokrate perjashtoni Lulzim Bashen nga Partia Demonratike! Lulzim Basha ka...
