Arbëri

MD-ja denoncon ish-ministren Hoxha për “abuzim të parasë publike”

Foto: Driton Paqarada/KOHA
 

Zëvendësministri i Drejtësisë, Blerim Sallahu, ka bërë të ditur se MD-ja ka dërguar para organeve të drejtësisë mosveprimin e ish-ministres Dhurata Hoxha për shfuqizimin e një udhëzimi administrativ për kompensim të ekspertëve mjekoligjorë, që, sipas tij, kishte vazhduar edhe pse ishte i bazuar në një ligj që ishte shfuqizuar.

Në një konferencë për media të martën, Sallahu ka thënë se ish-ministrja Hoxha kishte injoruar propozimet e Këshillit Prokurorial të Kosovës për këtë çështje dhe se për shkak të këtij mosveprimi “ekspertët mjekoligjorë janë kompensuar jashtëligjshëm nga KPK-ja në vlerë prej 785 mijë eurosh”. Në konferencë ai ka thënë se Qeveria Kurti është e angazhuar të luftojë secilin “keqpërdorim”, ndërkaq në komunikatën për media denoncimi flet për “abuzim të parasë publike si pasojë e shkeljeve ligjore”.