1 perditesime
23:11

Ilazi: Tri vjetët e fundit Kaçaniku nuk ka përfituar asnjë projekt nga Ministria e Infrastrukturës

Kryetari i Komunës së Kaçanikut, Besim Ilazi, është ankuar se qe tri vjet kjo komunë nuk ka përfituar asnjë projekt nga Ministria e Infrastrukturës.

“Është viti i tretë që Kaçaniku nuk përfiton asnjë projekt nga Ministria e Infrastrukturës. Kemi pasur një memorandum me ministrinë për një projekt që duhej të përfundonte këtë vit, por tani është ndërprerë. Arsyetimi ka qenë për shkak të mungesës së mjeteve”, ka thënë ai në Interaktiv duke e quajtur ndërprerjen e këtij memorandumi të padrejtë pasi shtoi se projekti kishte nisur prej disa vitesh.

Sipas tij, janë mbi 20 projekte që qëndrojnë në ministri, por nuk kanë marrë zgjidhje.

“Mbi 20 projekte qëndrojnë në ministri, por arsyetimi ka qenë gjithmonë për mungesë të mjeteve. Si komunë nuk kemi arritur të përfitojmë asnjë projekt tri vitet e fundit”.

Ilazi ka thënë se mospërmbushja e projekteve ndikon edhe në zgjedhjet të cilat po afrojnë, por shtoi se jo gjithmonë varet nga buxheti i komunës.

“Është një lloj hendikepi kur mungojnë investimet, por nuk varet gjithmonë nga buxheti i komunës. Si komunë kemi përfituar nga projektet për garë, si performancë, si për mjedis të pastër”, përfundoi ai.

23:03

Ilazi: Kosovarja që vdiq në Gjermani po kthehej nga puna në shtëpi

Një kosovare me origjinë nga komuna e Kaçanikut ka vdekur si pasojë e vërshimeve në Gjermani ditëve të fundit.

Kryetari i Komunës Kaçanikut, Besim Ilazi, ka thënë se ajo ka qenë rreth 20-vjeçare dhe se sipas informacioneve ajo ka qenë duke u kthyer nga puna në shtëpi kur ka humbur jetën.

Në Interaktiv të KTV-së ai ka thënë se komuna nuk ka informacione të tjera nëse ka të tjerë bashkatdhetarë që mund të kenë pësuar.

“Siç kemi dëgjuar nga familjarët, ajo ka humbur jetën duke u kthyer në shtëpi nga puna dhe varrimi do të bëhet në Gjermani. Deri tani nuk kemi tjetër informacion. Sa i përket asaj familje, ajo ka pësuar e vetme pasi ka qenë duke u kthyer nga puna. Nuk kemi ndonjë informacion tjetër që mund të ketë qytetarë të tjerë nga Kosova”, ka thënë ai.