Ministri i Punëve të Brendshme, Xhelal Sveçla ka thënë se luftimi i krimit dhe korrupsionit mbetet “Top” Prioritet i ministrisë që ai udhëheqë.
Ky reagim ka ardhur pas arrestimit të shtatë zyrtarëve në Agjencinë për Zhvillimin e Bujqësisë.
“Për gati 100 ditë, dinamika jonë e angazhimit e lartë, si në Kosovë, rajon dhe më gjerë. Ky angazhim, do të vazhdojë të rritet tutje, duke prodhuar rezultate konkrete çdo ditë për qytetarët tanë”, ka thënë ai.
Ai ka thënë se kanë “sfida të mëdha para vetes, por mbesim të palëkundur në luftën e pa-kompromis kundër krimit, korrupsionit e keqpërdoruesve të detyrës zyrtare”.
Sveçla ka shkruar se subvencionet u takojnë bujqve.
© KOHA. Të gjitha të drejtat janë të rezervuara.
