Arbëri

Opozita ia kërkon Qeverisë platformën për dialog, PDK-ja ka përgatitur një dokument

Foto: Ilustrim

Gatishmërinë e proklamuar në Kuvend për ta takuar secilin lider të opozitës, kryeministri Albin Kurti nuk e ka shoqëruar edhe me ftesa zyrtare në drejtim të tyre. Veç mungesës së takimeve, në prag të takimit të kryeministrit të Kosovës me presidentin e Serbisë, Aleksandër Vuçiq në Bruksel, qeveria ende nuk ka prezantuar një Platformë dhe strategji të dialogut.

 

Opozita e ka cilësuar joserioze qasjen e kryeministrit Kurtit, i cili kërkon bashkëpunim me opozitën, por deri tani nuk ka adresuar asnjë ftesë zyrtare. Pikat e programit që flasin për dialogun, sipas dy partive kryesore opozitare, nuk ofrojnë kurrfarë qartësie. Kësisoj, para shkuarjes në Bruksel prej kryeministrit është kërkuar që Kuvendit t’ia paraqesë platformën me parime të qarta dialoguese. Një dokument të tillë e ka përgatitur edhe PDK-ja, por që thotë se do ta bëjë publike kurdo që paraqitet nevoja

Gatishmërinë e proklamuar në Kuvend për ta takuar secilin lider të opozitës, kryeministri Albin Kurti nuk e ka shoqëruar edhe me ftesa zyrtare në drejtim të tyre. Veç mungesës së takimeve, në prag të takimit të kryeministrit të Kosovës me presidentin e Serbisë, Aleksandër Vuçiq në Bruksel, qeveria ende nuk ka prezantuar një Platformë dhe strategji të dialogut.

Në ekzekutiv nuk kanë treguar nëse Kurti në takim me Vuçiqin do të prezantohet me Platformën dhe nëse do të ketë konsultime me opozitën.