Ministria e Arsimit u kërkon drejtorive komunale numrin e punëtoreve shtatzëna

Ministria e Arsimit, Shkencës, Teknologjisë dhe Inovacionit i ka kërkuar drejtorive komunale të arsimit që t’ua japin numrin e saktë të të punësuarave shtatzëna në institucionet edukativo-arsimore. Kjo për shkak të masës anti-COVID ku i obligon institucionet publike dhe private t’i lirojnë nga paraqitja në punë gratë shtatzëna, duke ua mundësuar të punojnë nga shtëpia.

“Në bashkëpunim edhe me Fakultetin e Edukimit, komunat dhe shkollat, MASHTI do të sigurohet që nxënësit të mos të humbin orët mësimore, njëkohësisht grave shtatzëna t’u realizohet e drejta e tyre”, thuhet në njoftimin e Ministrisë.